Meet the Fockers (2004)

呢一張海報，都幾好，夠膽唔用full cast做宣傳。香港就一定唔敢用啦！

上集-劇本
上一集《Meet the Parents》，其中一個主橋，是狂玩「滾雪球式」撞板笑料，例如：唔見外父隻貓＞買假貓頂檔＞假貓走甩＞爬上屋頂煲煙>假貓現身>捉貓跌到半天吊>煙頭燒著電線>婚禮木亭付諸一炬>再加上之前伏線，導致爆屎渠。

原著編劇Greg Glienna好似淨係識玩呢種層層疊「賴野」笑料，前年他編的《A Guy Thing》，同樣是新婚男主角接連撞板、一個大話駁一個，到最後一秒似然難堪死撐，希望搏取觀眾同情同笑聲。

但係玩一次就夠啦，而且「滾雪球」很容易釀成失去目標的雪崩，好難拿捏；所以在續集，笑料主要集中到人物性格上面。

今集-Local宣傳
《非常外父生擒霍老爺》，這戲名對香港觀眾確實係可圈可點，「生擒」動作來自章子怡，霍老爺既是英東又是震霆。如果沒有霍氏家族的封面故事做backup，《Meet the Fockers》可能只會叫做《非常襯家搞外父》或者《非常襯家搞奶奶》......是的，我滿腦都是咸片名。

當然還有海報上那句：「做隻貓　做隻狗　不做襯家」，都幾聰明，生剝林夕歌詞，借佢過橋。

今集-演員
今次取得高票房，相信有六七成是因為Dustin Hoffman的演出吧？

近年Hoffman只見飾演老誠而矮小的深沉智者/律師/老闆，老到縮水；今次依然皺皮但演一個活力十足的浮誇老坑，蹦蹦跳嘈嘈閉，hyper active到癲，十分叫人觀喜。相反，演佢老婆的Barbra Streisand就冇乜發揮，角色設計比演出有趣，久休復出不過我對她沒有太大印象。

至於Robert De Niro與Ben Stiller只係照單執藥再做一次，算是沒其望也沒失望。

Owen Wilson客串一場，是上集眾多角色之中，唯一有新意/新笑料的一位，雖然都係演一條死傻仔。

今集-劇本
今集故事主線，其實是翻炒上一集：外父誤會好女婿，最後頑石點頭，大家高興。

雖然演員還算有趣，但到底只是好很渣的喜劇，十分似港產電視劇，還加插一個「詹瑞文類型」誇張失實懶好笑的角色，捉晒外父老爺女婿入監倉，硬滑稽到爆。

中間還有一場，竟然出動「誠實豆莎包」（跟Kill Bill 2一樣 - 打迫供針）讓主角出醜，更加係無聊到爆，Ben Stiller也演得很求其。

Theater: 奧海城 21:45
Runtime: 115 min

Directed by: Jay Roach

Cast:
Robert De Niro .... Jack Byrnes
Ben Stiller .... Greg Focker
Dustin Hoffman .... Bernie Focker
Barbra Streisand .... Roz Focker
Blythe Danner .... Dina Byrnes
Teri Polo .... Pam Byrnes